கம்பம் : நடந்து முடிந்த லோக்சபா தேர்தலில் பணியாற்றிய அலுவலர்களிடம் வங்கி பாஸ் புக், பே சிலிப் ( சம்பள பட்டியல் ) வழங்கும் படி, சம்பந்தப்பட்ட உதவி தேர்தல் நடத்தும் அலுவலர்கள் கேட்டுள்ளனர்.லோக்சபா தேர்தல் கடந்த ஏப்.19 ல் நடந்தது. மார்ச் முதல் வாரமே ஒவ்வொரு சட்டசபை தொகுதிக்கும் மூன்று பறக்கும் படை, இரண்டு நிலைக் கண்காணிப்பு குழு, இரண்டு வீடியோ குழு, இரண்டு செலவினங்களை கண்காணிக்கும் குழு நியமிக்கப்பட்டனர். இந்த குழுக்களின் பணி ஏப். 20 ல் நிறைவடைந்தது. பறக்கும் படை மட்டும் கேரள தேர்தல் காரணமாக கூடுதலாக 10 நாட்கள் பணி செய்தனர். இவர்கள் தவிர தேர்தல் நாளன்று தேர்தல் பணியில் ஈடுபட்டவர்கள் உள்ளனர்.