இந்திய பள்ளிகளுக்கு இடையிலான விளையாட்டு போட்டிகள் தேசிய அளவில் ஆண்டு தோறும் நடக்கிறது. தமிழகத்திற்கு 8 மண்டலங்களில் இருந்த வீரர்கள் தேர்வு செய்யப்படுகின்றனர். மதுரை மண்டலத்தில் மதுரை, திண்டுக்கல், தேனி, ராமநாதபுரம், சிவகங்கை மாவட்டங்கள் இடம்பெற்றுள்ளன. இந்த மாவட்டங்களில் உள்ள பள்ளிகளில் இருந்து மாணவர்கள் தேர்வு செய்யபடுகின்றனர்.தேனி மாவட்ட விளையாட்டு அரங்கில் பள்ளி கல்வித்துறை சார்பில் மதுரை மண்டல கபடி அணிக்கு வீரர்கள் தேர்வு நடந்தது. இத்தேர்வு 14,17,19 வயதிற்கு உட்பட்ட பிரிவுகளில் நடந்தது. இதில் 5 மாவட்டங்களைச் சேர்ந்த 325 பள்ளி மாணவர்கள் பங்கேற்றனர். ஒவ்வொரு பிரிவிலும் 7 வீரர்கள் தேர்வு செய்யப்பட உள்ளனர். மாணவர்கள் மற்ற மண்டலங்களுடன் நடைபெறும் போட்டியில் பங்கேற்று, தமிழக அணிக்கு தேர்வாகுவார்கள் என உடற்கல்வி ஆசிரியர்கள் தெரிவித்தனர்.