தேனி மாவட்டத்தில் பிளஸ் 1 பொதுத்தேர்வினை 141 பள்ளிகளைச் சேர்ந்த 6432 மாணவர்கள், 6881 மாணவிகள் என 13,313 பேர் எழுதினர். இதில் 5521 மாணவர்கள், 6471 மாணவிகள் என 11,992 பேர் தேர்ச்சி பெற்றுள்ளனர். மாணவர்கள் 85.84 சதவீதம், மாணவிகள் 94.04 சதவீதம் தேர்ச்சி பெற்றுள்ளனர். மொத்த தேர்ச்சி விகிதம் 90.08 சதவீதம் ஆகும். இதில் அரசு, ஆதிதிராவிடர் நலத்துறை, உதவிபெறும், கள்ளர் பள்ளிகளில் தேர்ச்சி விகிதம் 90 சதவீதத்திற்கும் கீழ் உள்ளது. நகராட்சி, பகுதி உதவி பெறும், தனியார் பள்ளிகளில் தேர்ச்சி சதவீதம் 90 சதவீதத்திற்கு மேல் உள்ளது.

பிளஸ் 1 பொதுத்தேர்வில் அரசுப்பள்ளிகளில் படித்த 812 பேர் உட்பட 1321 பேர் தேர்ச்சி பெறவில்லை. கடந்தாண்டு 91.47 தேர்ச்சி விகிதத்துடன் மாநில அளவில் 19வது இடம் பெற்ற நிலையில், இந்தாண்டு 24வது இடத்திற்கு தள்ளப்பட்டுள்ளது. தமிழ்பாடத்தில் 670 பேர், ஆங்கிலத்தில் 620 பேர் தோல்வியடைந்தனர். மாவட்டத்தில் 4 அரசுப்பள்ளிகள் உட்பட 26 பள்ளிகளில் 100 சதவீதம் மாணவர்கள் தேர்ச்சி அடைந்துள்ளனர். 15 பாடங்களில் 393 மாணவர்கள் சதம் எடுத்தனர்.