ஆண்டிபட்டி: ஆண்டிபட்டி ஒன்றியம் டி.பொம்மிநாயக்கன் பட்டியில் ஸ்ரீவரதராஜ பெருமாள் கோயில் கும்பாபிஷேகம் நடந்தது. ஸ்ரீதேவி, பூதேவியுடன் ஸ்ரீ வரதராஜ பெருமாள் சுவாமி அருள்பாலிக்கும் இக்கோயில் ஹிந்து சமய அறநிலையத்துறை கட்டுப்பாட்டில் உள்ளது. திம்மரசநாயக்கனுார், டி.பொம்மிநாயக்கன்பட்டி, மல்லையாபுரம், சின்னமல்லையாபுரம், பிள்ளைமுகம்பட்டி கிராம மக்கள் வழிபடும் இக்கோயிலில் கடந்த 35 ஆண்டுகளுக்கு முன் கும்பாபிஷேகம் நடந்தது. சமீபத்தில் ஹிந்து அறநிலையத்துறை, நிர்வாக அறங்காவலர் ராம்குமார் ஏற்பாட்டில் கோயில் புனரமைப்புப் பணிகள் முடிந்தன.