நேற்று காலை கலெக்டர் ஷஜீவனா தலைமையில் மக்கள் குறைதீர் கூட்டம் நடந்தது.

பொதுமக்கள் மனுக்கள் பதிவு செய்து, கலெக்டரிடம் மனு வழங்க அனுமதிக்கப்பட்டனர். இந்நிலையில் நுழைவு வாயில் மரத்தடியில் நின்றிருந்த பூபதி, நாகலட்சுமி, கண்ணாமணி, லட்சுமி ஆகியோர் திடீரென மறைத்து வைத்திருந்த பாட்டிலில் இருந்து மண்ணெண்ணையை எடுத்து உடலில் ஊற்றினர்.

அங்கு பாதுகாப்பு பணியில் ஈடுபட்டிருந்த போலீசார் பாட்டில்களை பறிமுதல் செய்து, அவர்கள் மீது தண்ணீரை ஊற்றினர்.

சகோதரிகள் நான்கு பேரும் 108 ஆம்புலன்ஸ் மூலம் தேனி மருத்துவக்கல்லுாரி மருத்துவமனைக்கு அழைத்து செல்லப்பட்டனர்.

அவர்களது மனுவில், 'எங்களுக்கும், சகோதரர் மணிக்கு இடையே நிலப்பிரச்னை உள்ளது.

இது தொடர்பான புகாரை பெரியகுளம் தாசில்தார், ஆர்.டி.ஓ., விசாரிக்க வில்லை. நிலப்பிரச்னைக்கு தீர்வு காணவும், முழுமையாக விசாரிக்காத அதிகாரிகள் மீது நடவடிக்கை எடுக்க கோரியிருந்தனர்.