உத்தமபாளையம் காளாத்தீஸ்வரர் உடனுறை ஞானாம்பிகை கோயிலில் ராகு, கேது பகவான்கள் தனித்தனி சன்னதிகளில் தம்பதி சகிதமாக எழுந்தருளியுள்ளனர்.

காலசர்ப்ப தோஷ நிவர்த்தி ஸ்தலமான இங்கு ராகு, சிம்ஹை தேவியுடனும், கேது, சித்ரலேகா தேவியுடனும் எழுந்தருளியிருப்பது தனிச்சிறப்பாகும். 2023 அக். 8 ல் மதியம் 3:40 க்கு ராகு பகவான் மேஷ ராசியிலிருந்து மீன ராசிக்கும், கேது பகவான் துலாம் ராசியிலிருந்து கன்னி ராசிக்கும் பெயர்ச்சி ஆனார்கள்.

16 மாத இடைவெளியில் நேற்று மாலை 4:20 மணிக்கு ராகு பகவான் மீன ராசியிலிருந்து கும்ப ராசிக்கும், கேது பகவான் கன்னி ராசியிலிருந்து சிம்ம ராசிக்கும் பெயர்ச்சி ஆனார்கள். ராகு பகவான்கள் தேவியருடன் மலர் அலங்காரத்தில் எழுந்தருளினர்.

பெயர்ச்சியை முன்னிட்டு ஹோமங்களை தொடர்ந்து மாலை 4:20 மணிக்கு பெயர்ச்சி நடந்தது.பின் ராகு , கேது பகவான்களுக்கு சிறப்பு அபிஷேக ஆராதனைகள் நடைபெற்றது. மாலை 4:30 மணிக்கு ராகு பகவானுக்கும் சிம்ஹை தேவிக்கும், கேது பகவானுக்கும் சித்ரலேகா தேவிக்கும் திருக்கல்யாணம் நடைபெற்றது.

மேஷம் முதல் மீனம் வரை அனைத்து ராசியினரும் பரிகார பூஜைசெய்து ராகு, கேது பகவான் அருள் வேண்டினர். - நிகழ்ச்சி உபயதாரராக கம்பம் ஜெயப்பாண்டியன், கலைவாணி குடும்பத்தினர் செய்தனர். ஏற்பாடுகளை செயல் அலுவலர் ஜெயராமன் செய்தார்.