தேசிய அளவிலான சிலம்ப போட்டி பெங்களூரு என்.எம்.ஆர்., கன்வன்ஷன் சென்டரில் நடந்தது. 50 க்கும் மேற்பட்ட அணிகளில் போடி ஸ்ரீ சாய் அகடாமி மார்சியல் ஆர்ட்ஸ் சார்பில் மாணவர்கள் கலந்து கொண்டனர். இதில் 8 மாணவர்கள் முதலிடமும், 4 மாணவர்கள் இரண்டாம் இடமும் பெற்று சாதனை படைத்து உள்ளனர்.

5 வயதுக்கு உட்பட்ட 20- 25 கிலோ எடை பிரிவில் நடந்த இரட்டை கம்பு வீச்சு போட்டியில் போடி சவுண்டீஸ்வரி நடு நிலைப்பள்ளி மாணவி ரியா ஸ்ரீ., 10 வயதுக்கு உட்பட்ட 30-35 கிலோ எடை பிரிவில் போடி ஸ்பைஸ் வாலி பப்ளிக் பள்ளி மாணவர் பவிசன் முதலிடமும், 14 வயதுக்கு உட்பட்ட 45-50 கிலோ எடை பிரிவில் கோவிந்தநகரம் கம்ப தர்மா உயர்நிலைப்பள்ளி மாணவர் சிவசக்தி முதலிடமும், 40-45 கிலோ எடை பிரிவில் கம்பம் ஆர்.ஆர். இன்டர்நேஷனல் பள்ளி மாணவர் விபிசன், வித்வின், 30-35 எடை பிரிவில் தேவவரதன் முதலிடம் பெற்று பெற்றனர். 25-30 கிலோ எடை பிரிவில் டோவிட்டா இரண்டாம் இடம் பெற்றார்.

17 வயதுக்குட்பட்ட 65- 70 கிலோ எடை பிரிவில் கம்பம் ஆர்.ஆர். இன்டர் நேஷனல் பள்ளி மாணவர் தேவகணேஷ், 80 - - 90 கிலோ எடை பிரிவில் ஜெயசூர்யா முதலிடமும், 10 வயதுக்கு உட்பட்ட 30 -- 35 கிலோ எடை பிரிவில் கம்பம் ஆர்.ஆர்., இண்டர்நேஷனல் பள்ளி மாணவர் அதிரத், 25 -- 30 கிலோ எடை பிரிவில் ருத்வ அத்வைத், ஆதர்ஷன் 2 ம் இடமும் பெற்று சாதனை படைத்து உள்ளனர்.

வெற்றி பெற்ற மாணவர்கள் சர்வதேச போட்டிக்கு தேர்வாகி உள்ளனர்.

வெற்றி பெற்ற மாணவர்கள், மாஸ்டர் ஜெயசீலன், பயிற்சியாளர் விமலா தேவியை போடி நகர தி.மு.க., நகர செயலாளர் புருஷோத்தமன் பாராட்டி பரிசு வழங்கினார்.