மூணாறு அருகே மாங்குளம் ஊராட்சிக்கு உட்பட்ட விரிபாறை பகுதியில் வனத்தினுள் தனியார் நட்சத்திர ஓட்டல் உள்ளது. அங்கு பெரும்பாலும் வி.ஐ.பி.க்கள் தங்கிச் செல்வதுண்டு. இந்த ஓட்டலில் ஹங்கேரி நாட்டு பிரதமர் விக்டர் ஓர்பன் குடும்பத்தினருடன் ஜன.12, 13 ஆகிய நாட்களில் தங்கினார்.

இந்நிலையில் அந்த ஓட்டலில் வெடி குண்டு வைக்கப்பட்டுள்ளதாக இ- மெயிலில் தகவல் வந்தது.

அதனால் அதிர்ச்சி அடைந்த ஓட்டல் நிர்வாகத்தினர் போலீசில் புகார் அளித்தனர். மூணாறு போலீசார் ஓட்டலில் முழுமையாக சோதனையிட்டனர். அதில் வெடி குண்டு எதுவும் சிக்காததால், புரளி என தெரியவந்தது.