ADDED : செப் 21, 2026 05:22 PM
ஆண்டிபட்டி, செப்.22-
ஆண்டிபட்டி பகுதியில் மானிய விலையில் வழங்கப்படும் விதைகள் மற்றும் உயிர் உரங்களை வாங்கி பயன்படுத்துமாறு வேளாண்மை உதவி இயக்குனர் கண்ணன் தெரிவித்துள்ளார். அவர் கூறியதாவது:
ஆண்டிபட்டி பகுதியில் தற்போது பெய்துள்ள மழையை பயன்படுத்தி விவசாயிகள் விதைப்பு பணிகளை தொடரலாம். ஆண்டிபட்டி வேளாண் அலுவலகத்தில் நெல், சோளம், கம்பு, பாசிப்பயறு, உளுந்து, துவரை, மக்காச்சோள விதைகள் போதுமான அளவு இருப்பில் உள்ளன. மத்திய, மாநில அரசுகள் மூலம் 50 சதவீத மானியத்தில் வழங்கப்படுகிறது. உயிர் உரங்களான அசோஸ்பைரில்லம், ரைசோபியம் மற்றும் நுண்ணூட்ட கலவை ஆகியவையும் இருப்பில் உள்ளன. பூஞ்சான கொல்லிகளான சூட மோலாஸ், ட்ரைகோடர்மா ஆகியவையும் இருப்பில் உள்ளன. விவசாயிகள் தேவையான ஆவணங்களை வழங்கி வேளாண் உதவி இயக்குனர் அலுவலகத்தில் மானிய விலையில் வழங்கப்படும் பொருட்களை பெற்று பயனடையலாம் என்றார்.
