போடி: போடி அருகே சில்லமரத்துப்பட்டி அப்துல் கலாம் நகரில் வசிப்பவர் பிரியா. இவர் அதே பகுதியை சேர்ந்த வள்ளி என்பவரிடம் 5 ஆண்டுகளுக்கு முன்பு வட்டிக்கு ரூ.80,000 கடன் வாங்கி உள்ளார். வட்டி, முதலும் சேர்த்து மாதம் தோறும் ரூ.18,000 வீதம் ரூ.7 லட்சத்தி 38 ஆயிரம் கொடுத்து கணக்கை முடித்து உள்ளார். மேலும் ரூ. 3 லட்சம் தர வேண்டும் எனக் கூறி வள்ளி, இவரது கணவர் பாஸ்கரன் இருவரும் சேர்ந்து பிரியாவை தகாத வார்த்தையில் பேசி, கொலை மிரட்டல் விடுத்தனர்.