இந்த நிதியினை ஊராட்சி நிர்வாகங்கள் பொது சுகாதாரம், குடிநீர் பராமரிப்பு, ஊராட்சிகளில் தீர்மானத்தின் அடிப்படையில் பணிகள் தேர்வு செய்யப்படுகிறது. இதில் புதிதாக குடிநீர் குழாய் அமைத்தல், சுகாதார வளாகம் கட்டுதல், முந்தைய சுகாதார வளாகம் புதுப்பித்தல் உட்பட பல்வேறு அடிப்படை வசதிகளுக்கான கட்டமைப்பு பணிகள் நடக்கிறது.

நிதிவரவில்லை: மாவட்டத்தில் உள்ள ஊராட்சிகளில் 300 க்கும் அதிகமான ஒப்பந்ததாரர்கள் உள்ளனர். இவர்களுக்கு பணிகள் முடிந்த பிறகு செய்த பணிகளுக்கு காசோலை வழங்கப்படும். 15 வது மத்திய நிதிக்குழு மானியத்தில் 2024- -2025க்குரிய நான்காவது தவணை மார்ச் மாதம் வழங்கப்பட்டிருக்க வேண்டும். ஆனால் தற்போது ஐந்து மாதங்கள் ஆகியும் நிதி வழங்கவில்லை. இதனால் இந்த நிதியினை நம்பி மேற்கொண்ட வளர்ச்சி பணிகள் முடிந்தும் ஒப்பந்ததாரர்களுக்கு பணம் கொடுக்காமல் ஊராட்சி நிர்வாகம் தவிக்கிறது. இதனால் ஊராட்சி நிர்வாத்திற்கும் ஒப்பந்ததார்களுக்கும் இடையே பிரச்னை ஏற்பட்டுள்ளது. மேலும் 2025-- 2026 ம் ஆண்டுக்கு ஏப்.1ல் 16 வது நிதிக்குழு மானியம் திட்டம் துவங்காமல் உள்ளது. இதனால் ஊராட்சிகளில் அடிப்படை வசதி மேம்படுத்தும் புதிய பணிகள் தேர்வு செய்யப்பட்டும் கிடப்பில் உள்ளது.-