--பெரியகுளம் தென்கரை தெற்கு அக்ரஹாரத்தில் 1943 ல் துவங்கப்பட்டது 'டிரயம்ப்' நடுநிலைப்பள்ளி. (அரசு நிதி உதவி பெறும் பள்ளி) இப்பள்ளியில் மாணவராக படித்து, ஆசிரியராக உயர்ந்து, கடின உழைப்பினால் தலைமை ஆசிரியராகவும், பள்ளி செயலாளராகவும் பணியாற்றும் எஸ். ராம்சங்கர் கூறியதாவது: இப்பள்ளியில் ஒழுக்கத்துடன் கல்வி கற்று தரப்படுகிறது. இப்பள்ளியில் படித்த மாணவர்கள் பலர் கலெக்டர், ஐ.ஏ.எஸ்., ஐ.எப்.எஸ்., டாக்டர்கள், விண்வெளி ஆராய்ச்சியாளர், பொறியாளர்கள், ஆடிட்டர்கள், கல்லூரி பேராசிரியர்கள், வழக்கறிஞர்கள், ஆசிரியர்கள், ஆசிரியைகள் என பல்வேறு துறைகளில் கோலோச்சி வருகின்றனர். தொடர்ந்து முதன்மை பள்ளியாக தக்க வைத்துள்ளோம். 500 மாணவ, மாணவிகள் படிக்கின்றனர்.