ராயப்பன்பட்டி தனியார் பள்ளி மாணவர் விடுதி உதவி காப்பாளர் முகிலன் 28. இவர் விடுதியில் படித்த 13 வயது சிறுவனை 2023 மார்ச் 23ல் பலாத்காரம் செய்து, வெளியில் சொல்லக்கூடாது என கொலை மிரட்டல் விடுத்தார். மறுநாளும் சிறுவனை பலாத்காரம் செய்தார். பாதிக்கப்பட்ட சிறுவன் பெற்றோரிடம் தெரிவித்தார்.

ராயப்பன்பட்டி போலீசார் முகிலனை போக்சோ வழக்கில் கைது செய்தனர். இந்த வழக்கு தேனி மாவட்ட சிறப்பு போக்சோ நீதிமன்றத்தில் நடந்தது. நேற்று விசாரணை முடிந்து முகிலனுக்கு 25 ஆண்டுகள் சிறை, ரூ.15 அபராதம் விதித்து நீதிபதி கணேசன் தீர்ப்பளித்தார். பாதிக்கப்பட்ட சிறுவனின் புனர்வாழ்விற்காக அரசு ரூ.3 லட்சம் வழங்க உத்தரவிட்டார்.