ADDED : நவ 19, 2026 07:09 PM
அ நிறம் | அளவு
தேனி: வரத்து குறைவால் மல்லிகை பூ விலை கிலோ ரூ.1500க்கு விற்பனையானது.
தேனி பழைய பஸ் ஸ்டாண்ட் பூ மார்க்கெட்டில் இன்று (நவ.,19) மல்லிகை ரூ.1500, முல்லை ரூ.600, ஜாதிமல்லி ரூ.400, செவ்வந்தி ரூ.780, செண்டு பூ ரூ.70–80, சம்மங்கி ரூ.150–200, பன்னீர்ரோஸ் ரூ.150, பட்டன் ரோஸ் ரூ.200, துளசி கட்டு ரூ.30க்கு விற்பனையானது. நேற்று (நவ.,18) ரூ.ஆயிரத்திற்கு விற்பனையான மல்லிகை ஒரே நாளில் ரூ.500 அதிகரித்து ரூ.1500க்கு விற்பனையானது.
இது பற்றி பூ வியாபாரி கண்ணன் கூறுகையில், ‘பனி காலம் துவங்கி உள்ளதால் மல்லிகை பூ வரத்து குறைய துவங்கி உள்ளது. அதே நேரம் தேவை அதிகரித்துள்ளதால் விலை உயர்ந்துள்ளது. வரும் நாட்களில் மேலும் விலை அதிகரிக்கும். மற்ற பூக்கள் விலை பெரிய அளவில் மாறுபாடு இருக்காது ,’என்றார்.
