திருப்பூர் மாவட்டம் உடுமலைபேட்டையில் இருந்து அரிசி ஏற்றிய லாரி மூணாறுக்கு சென்றது. லாரியை கேரள மாநிலம் பத்தனம்திட்டாவைச் சேர்ந்த நிகில் 29, ஓட்டினார்.

மூணாறு டி.எஸ்.பி. குடியிருப்பு அருகே நேற்று முன்தினம் இரவு 8:30 மணிக்கு லாரி சென்றது. அப்போது எதிரே வந்த வாகனத்திற்கு வழிவிட லாரி டிரைவர் முயன்றார். அப்போது பள்ளத்தில் லாரி கவிழ்ந்தது.

விபத்தில் டிரைவர் காயம் இன்றி உயிர் தப்பினார். இவ் விபத்து பற்றி போலீசார் விசாரிக்கின்றனர்.