தேனி: தேனி ஒழுங்குமுறை விற்பனைக்கூடத்தில் வாரந்தோறும் மட்டைத்தேங்காய், கொப்பரை, வேளாண் விளை பொருட்கள் ஏலம் நடக்கிறது. கடந்த வாரம் 5 விவசாயிகள் மக்காச்சோளம் 23 டன் விற்பனைக்கு கொண்டு வந்திருந்தனர். விற்பனைக்குழு செயலாளர் ராஜா தலைமையில் ஏலம் நடந்தது. ஏலத்தில் மக்காச்சோளம் அதிகபட்சம் கிலோ ரூ. 24.01க்கும் குறைந்த பட்சம் ரூ.23.16க்கும் விற்பனையானது. சராசரி விலையாக ரூ.23.87க்கு விற்பனை செய்யப்பட்டது.