எள் அறுவடை செய்யும் போது மட்டும் மழை பெய்ததால் விவசாயிகளுக்கு சற்று சிரமத்தை ஏற்படுத்தியது. தற்போது அறுவடை பணிகள் முடிவடைந்து ஆடி மாதத்தில் மீண்டும் நடவு பணிகள் துவங்க உள்ளன. இதற்காக தொடர்ந்து பெய்து வந்த மழை நிலத்தடி நீர்மட்டம் உயரும் வகையில் கை கொடுத்தது விவசாயிகளிடையே மகிழ்ச்சியை ஏற்படுத்தியுள்ளது.

விவசாயிகள் கூறும் போது:

கடந்த ஆண்டு சித்திரை மாதத்தில் துவங்கிய கோடை மழை துவக்கத்தில் பெய்த போதிலும், தொடர்ந்து பெய்யாததால் கடுமையான வெப்பம் நிலவி மானாவாரி பயிர்களை பாதிப்பிற்கு உள்ளாகியது. ஆனால் தற்போது சிறிது இடைவெளி இருந்தாலும் மழை தொடர்ந்தது. இதனால் அறுவடை முடிந்து தற்போது இரண்டாவது முறையாக ஆடி மாதத்தில் நடவுப் பணிகளை துவக்க உள்ளோம்.

மொச்சை, அவரை, தட்டை உள்ளிட்ட பயிர்கள் சாகுபடி செய்யப்படுகிறது. நிலத்தடி நீர்மட்டம் உயர்வதை கண்டுபிடிக்கும் வகையில் விளை நிலங்களை ஒட்டியுள்ள கிணறுகளில் நீர்மட்டம் உயர்ந்திருக்கிறது. தொடர்ந்து சாகுபடி செய்ய உள்ள மானாவாரி பயிர்களுக்கும் பயனுள்ளதாக இருக்கும்.