தேனி பழைய பஸ் ஸ்டாண்டில் நகராட்சி சார்பில் ராஜவாய்க்கால் சீரமைப்பு பணி,அதன் அருகே கம்பம் ரோட்டில் தேசிய நெடுஞ்சாலைத்துறையினரால் தரைப்பாலம் சீரமைக்கும் பணி நடந்து வருகிறது. இதனால் தேனியில் இருந்து போடி, கம்பம் வழியாக செல்லும் பஸ்கள் மட்டும் வடக்கு நுழைவாயில் வழியாக பழைய பஸ் ஸ்டாண்ட் உள்ளே சென்று கம்பம் ரோட்டிற்கு செல்கின்றன. மறு மார்க்கமாக வரும் பஸ்கள் மதுரை ரோட்டில் பகவதி அம்மன் கோயில் தெரு அருகே நிறுத்தி பயணிகள் ஏற்றி, இறக்கு அறிவுறுத்தப்பட்டுள்ளது.

ஆண்டிபட்டி, பெரியகுளத்திற்கு இயக்கப்படும் டவுன்பஸ்கள், ஆட்டோக்கள் மேற்கு நுழைவாயில் வழியாக பஸ் ஸ்டாண்டிற்குள் வருகின்றன. எதிர் எதிராக பஸ்கள் வரும் சமயங்களில் ஆட்டோக்கள் இடையூறாக நிறுத்தப்படுகின்றன. இதனால் பஸ்கள் அப்படியே நிறுத்தப்படுகிறது. இதனால் பயணிகள் அவதியடைகின்றனர். இப் பிரச்னைக்கு நிரந்தர தீர்வு காண மாவட்ட நிர்வாகம் நடவடிக்கை எடுக்க வேண்டும்.