வீட்டு வரி, சொத்துவரி, தொழில்வரி, குடிநீர் வரி, சேவை வரிகள் உள்ளாட்சி அமைப்புகளால் வசூலிக்கப்படுகிறது. நகராட்சிகளில் இந்த வரி வருவாயே பொதுநிதியாக கையாளப்படுகிறது.

நகரின் வளர்ச்சி பணிகள் செய்ய இந்த வரி வருவாய் பயன்படுகிறது.

2024- -2025 ம் நிதியாண்டிற்கு கடந்த சில மாதங்களுக்கு முன் தான் பொதுமக்கள்,வர்த்தகர்கள் வரி செலுத்தினார்கள். இந்த நிதியாண்டு முடிந்து 2025--2026 ம் நிதியாண்டு துவங்கியுள்ளது. இந்த நிதியாண்டு துவங்கி 4 மாதங்களாகிறது.

நிதியாண்டிற்கு பொதுவாக வரி வசூல் நவம்பரில் துவங்கி 2026 மார்ச் வரை நடைபெறும். இது தான் நடைமுறை, ஆனால் தற்போது 2025 - -2026ம் நிதியாண்டிற்கு வரி வசூலை பணியாளர்கள் ஒரு மாதத்திற்கு முன்பே துவக்கி கெடுபிடி செய்கின்றனர்.

2026 மார்ச் வரை அவகாசம் இருக்கும் போது இப்போது வந்து ஏன் விரட்டுகிறீர்கள் என கேட்டு , பொதுமக்களும் புலம்புகின்றனர்.

பொதுமக்கள் கூறுகையில், '2024-2025ம் நிதியாண்டிற்கு சில மாதங்களுக்கு முன் தான் செலுத்தினோம். இன்னமும் 9 மாதங்கள் உள்ள நிலையில் இப்போதே வந்து விரட்டுகின்றனர்,' என்றனர்.

வரி வசூலிப்பவர்கள் கூறுகையில், '2026 ல் சட்டசபை தேர்தல் பணிகள் துவங்கி விடும்: அப்போது வரி வசூலிக்க முடியாது. எனவே 2025 நவம்பருக்குள் வசூலை முடிக்க உயர் அதிகாரிகள் வாய்மொழி உத்தரவு பிறப்பித்துள்ளனர் என்றனர்.

அரசின் இந்த கெடுபிடி நடவடிக்கையால் பொதுமக்கள் முகம் சுளிக்கின்றனர்.