தமிழகத்தில் அடுத்தாண்டு சட்டசபை தேர்தல் நடக்க உள்ளது. இதற்கான ஆயத்தப் பணிகளை தேர்தல் ஆணையம் துவக்கி உள்ளது. முதற்கட்டமாக மாவட்டங்களுக்கு தேவையான ஓட்டுப்பதிவு இயந்திரங்கள் கொண்டு வரப்படுகின்றன.

பெங்களூரூ பெல் நிறுவனத்தில் இருந்து தேனி கலெக்டர் அலுவலகத்தில் உள்ள ஓட்டுப்பதிவு இயந்திரங்கள் வைப்பறைக்கு 200 வி.வி., பேட் கருவிகள் (ஓட்டுப் பதிவு உறுதி செய்யும் கருவிகள்), 150 கண்ட்ரோல் யூனிட் கருவிகள் கொண்டு வரப்பட்டன. கலெக்டரின் நேர்முக உதவியாளர் முத்துமாதவன் முன்னிலையில் இயந்திரங்கள் அறையில் வைக்கப்பட்டன. அரசியல் கட்சி பிரதிநிதிகள் பங்கேற்றனர். பணியை தேர்தல் பிரிவு தாசில்தார் செந்தில்குமார், துணை தாசில்தார்கள் ராஜா, செந்தில் ஒருங்கிணைத்தனர்.