தங்கதமிழ்ச்செல்வனுக்கு இன்று (அக்., 3ல்) பிறந்தநாள். ஆண்டிபட்டியில் 5 இடங்களில் அவரது ஆதரவு தி.மு.க.,வினர் பிளக்ஸ் பேனர் வைத்திருந்தனர். அந்த பேனரில் தமிழக முதல்வர், அமைச்சர்களின் படங்களுடன் தங்கதமிழ்ச்செல்வன் மகன் நிஷாந்த் படமும் இருந்தது.

நேற்று முன் தினம் இரவு ஆண்டிபட்டியில் வைக்கப்பட்டிருந்த இந்த பேனர்களை மர்ம நபர்கள் கிழித்து சேதப்படுத்தினர். தங்கதமிழ்ச்செல்வன் ஆதரவாளர்கள் கட்சி நிர்வாகி மறவபட்டி மகாராஜன் புகாரின் பேரில் போலீசார் விசாரிக்கின்றனர்.

தங்க தமிழ்ச்செல்வனும், ஆண்டிபட்டி எம்.எல்.ஏ., மகாராஜனும் இரு மாதங்களுக்கு முன் அரசு விழா மேடையிலேயே ஒருவரை ஒருவர் 'முட்டாள்' என திட்டிக்கொண்டனர். இந்த சூழலில் தங்க தமிழ்ச்செல்வன் பிறந்தநாள் விழா பிளக்ஸ் பேனர்கள் கிழிக்கப்பட்டிருப்பது கோஷ்டி பூசல் உச்சத்தை எட்டியுள்ளதை காட்டுவதாக கட்சியினர் கூறினர்.