கொட்டகுடி பகுதியில் 75 க்கும் மேற்பட்ட குடும்பங்கள் வசித்து வருகின்றனர். ஆரம்பபள்ளி, உண்டு உறைவிடப்பள்ளியும் அமைந்துள்ளன.

போடியிலிருந்து குரங்கனி வரை மட்டுமே பஸ் வசதி உள்ளது. குரங்கனியிலிருந்து கொட்டகுடிக்கு பஸ் வசதி இல்லை. கொட்டகுடிக்கு ரோடு போடப்பட்டு பல ஆண்டுகளான நிலையில் குண்டும், குழியுமாக உள்ளதால் மக்கள் பாதிக்கப்பட்டுள்ளனர்.

விவசாயத்திற்கான தேவையான தளவாட பொருட்களை கொண்டு செல்லவும், விளைபொருட்களை போடிக்கு கொண்டு வரவும் சிரமம் ஏற்படுகிறது. குண்டும் குழியுமாக உள்ள ரோட்டை சீரமைப்பதுடன், ரோடுக்கான பாதையை அதிகப்படுத்தி, குரங்கனி வரை வரும் பஸ்ஸை கொட்டகுடி வரை இயக்கும் வகையில் செய்திட வேண்டும். இக்கோரிக் கையை குரங்கனியில் நடந்த மனுநீதி நாள் முகாமில் மலைக்கிராம மக்கள் கலெக்டர் பழனிசாமியிடம் கூறினர்.