தேனி குறுவட்ட போட்டிகள் மேரி மாதா மெட்ரிக் மேல்நிலைப் பள்ளி சார்பில் மாவட்ட விளையாட்டு மைதானத்தில் ஹாக்கி போட்டி நடந்தது. இதில் 14 வயது ஆண்கள் பிரிவில் நாடார் சரஸ்வதி மேல்நிலைப்பள்ளி, வி.சி.புரம் எஸ்.வி.வி.மேல்நிலைப் பள்ளியும் மோதின. இதில் 5:0 என்ற புள்ளிக்கணக்கில் நாடார் சரஸ்வதி மேல்நிலைப்பள்ளி வெற்றி பெற்றது. 17வயது ஆண்கள் ஹாக்கி போட்டியிலும் நாடார் சரஸ்வதி மேல்நிலைப்பள்ளி 2:0 என்ற புள்ளிக்கணக்கில் வி.சி.புரம் எஸ்.வி.வி., பள்ளியை வென்றது. 19 வயது ஆண்கள் ஹாக்கி போட்டியில் வி.சி.புரம் எஸ்.வி.வி., பள்ளி, 4:0 என்ற புள்ளிக்கணக்கில் நாடார் சரஸ்வதி மேல்நிலைப் பள்ளியை வென்றது.

14 வயது பிரிவு போட்டியில் வி.சி.புரம் எஸ்.வி.வி. மேல்நிலைப்பள்ளி 4:0 என்ற புள்ளிக்கணக்கில் நாடார் சரஸ்வதி மேல்நிலைப்பள்ளியை வென்றது.17 வயது பிரிவு போட்டியில் முத்துத்தேவன்பட்டி டி.எம்.எச்.என்.யூ., மெட்ரிக் மேல்நிலைப்பள்ளி 1:0 என்ற புள்ளிக்கணக்கில் தேனி சி.இ.ஓ.ஏ., மெட்ரிக் பள்ளியை வென்றது. 19 வயது பிரிவு போட்டியில் வி.சி.புரம் எஸ்.வி.வி., மேல்நிலைப்பள்ளி 5:0 என்ற புள்ளிக்கணக்கில் தேனி மேலப்பேட்டை இந்து நாடார்உறவின்முறை வித்யாலயா பள்ளியை வென்றது. இதுதவிர நேற்று 6 குறுவட்டங்களிலும் விளையாட்டுப் போட்டிகள் நடந்தன. தேனியில் மேரிமாதா மெட்ரிக்பள்ளி உடற்கல்வி ஆசிரியர் முத்துக்குமார் ஒருங்கிணைத்திருந்தார்.