இதனால் பாலத்தின் வழியாக பஸ், லாரி உள்ளிட்ட வாகனங்கள் செல்ல முடியவில்லை. மின் கம்பிகளை மாற்றி அமைக்கும் நடவடிக்கையும் இல்லை. இதனால் இப்பகுதிக்கு இயக்கப்பட்ட அரசு டவுன் பஸ் சேவை நிறுத்தப்பட்டுள்ளது.

பொதுமக்கள் கூறியதாவது: பழைய கோட்டை கிராமத்திற்கு காலை 6:50, மாலை 4:20, இரவு 7:00 மணிக்கு அரசு டவுன் பஸ் இயக்கப்பட்டது. கடந்த சில மாதங்களாக டவுன் பஸ் சேவை நிறுத்தப்பட்டதால் மாணவ மாணவிகள் பொதுமக்கள் பாதிக்கப்படுகின்றனர். ஆண்டிபட்டியில் இருந்து கதிர்நரசிங்கபுரம் வழியாக பழையகோட்டை சென்று திரும்பிய டவுன் பஸ் தற்போது 2 கி.மீ., தூரத்திற்கு முன்பே சக்கம்மாபட்டியில் இருந்து திரும்பி விடு கிறது.

தினமும் இப்பகுதி மக்கள் 2 கி.மீ., தூரம் நடந்து சென்று டவுன் பஸ் ஏறி செல்லவேண்டி உள்ளது. பாலத்தில் மின் கம்பிகளை மாற்றி அமைத்து மீண்டும் டவுன் பஸ் வசதி கிடைக்க அரசு நடவடிக்கை எடுக்க வேண்டும் என்றனர்.