ஆண்டிபட்டி அருகே க.விலக்கில் தேனி அரசு மருத்துவக் கல்லுாரி மருத்துவமனை உள்ளது. இங்கு 2016ல் துவங்கப்பட்ட செவிலியர் கல்லுாரியில் நான்கு ஆண்டு பட்டப்படிப்புக்கு கவுன்சிலிங் முறையில் மாணவ, மாணவிகள் தேர்வு செய்யப்படுகின்றனர். நடப்பாண்டில் 168 மாணவிகளும், 29 மாணவர்களும் படித்து வருகின்றனர். இவர்களில் நான்காம் ஆண்டு மாணவ, மாணவிகள் 43 பேர் மருத்துவக் கல்லுாரி மருத்துவமனையில் தங்கி பயிற்சி பெறுகின்றனர். மீதியுள்ள 154 மாணவ, மாணவிகள் பெரியகுளம் மாவட்ட அரசு மருத்துவமனை வளாகத்தில் இரு பாலருக்கான செவிலியர் விடுதியில், தங்கி மருத்துவக் கல்லுாரிக்கு சென்று வருகின்றனர். இவர்கள் கல்லுாரிக்கு சென்று வர 52 இருக்கைகள் கொண்ட ஒரு பஸ், 25 இருக்கைகள் கொண்ட மினி பஸ் என 2 வாகனங்கள் 2 டிரிப் இயக்கப்பட்டது. கடந்த சில மாதங்களாக 52 இருக்கைகள் கொண்ட ஒரு பஸ் மட்டுமே இயக்கப்படுகிறது. இதில் சுழற்சி முறையில் 52 மாணவிகளை கல்லுாரி பஸ்சில் அழைத்து செல்கின்றனர்.