கடந்தாண்டு அறிமுகமானது. இத்திட்டத்தின் கீழ் ஊராட்சிதோறும் 3 முதல் 5 பயனாளிகளுக்கு ஒதுக்கீடுகள் செய்யப்பட்டு உள்ளன.

சின்னமனுார் ஒன்றியத்தில் உள்ள 14 ஊராட்சிகளுக்கு 98 வீடுகள் ஒதுக்கீடு செய்யப்பட்டன. கம்பம் ஒன்றியத்தில் குள்ளப்பகவுண்டன்பட்டி 4, ஆங்கூர் பாளையம் 5, சுருளிப்பட்டி 2 அனுமதிக்கப்பட்டுள்ளன.

மாவட்டத்தில் உள்ள 8 ஒன்றியங்களில் உத்தமபாளையம் ஒன்றியத்தில் 14 ஊராட்சிகள் உள்ளன. இந்த ஊராட்சிகளில் தலா ஒரு வீடு மட்டும் அனுமதிக்கப்பட்டுள்ளன. அதிலும் ராமசாமி நாயக்கன்பட்டி, டி. ரெங்கநாதபுரம் ஆகிய 2 ஊராட்சிகளுக்கு ஒதுக்கீடே கிடையாது.

தமிழக அரசின் வீடு கட்டும் திட்டம் ஒதுக்கீட்டில் உத்தமபாளையம் ஒன்றியம் மட்டும் புறக்கணிக்கப்பட்டுள்ளது.

இதுகுறித்து ஒன்றிய அதிகாரிகள் கூறுகையில்,

'2023 -2024 நிதியாண்டிற்கு உத்தமபாளையம் ஒன்றியத்தில் உள்ள 14 ஊராட்சிகளில் 2 ஊராட்சிகளை தவிர்த்து, மற்ற ஊராட்சிகளுக்கு தலா ஒரு வீடு தரப்பட்டது. மற்ற ஒன்றியங்களுக்கு கூடுதல் வீடுகள் ஒதுக்கீடு செய்யப்பட்டன.

இந்த ஒதுக்கீடுகள் எந்த அடிப்படையில் செய்யப்பட்டது என்பது கலெக்டர் அலுவலகத்திற்கு தான் தெரியும். 2024 - 2025 நிதியாண்டிற்கு கூடுதல் ஒதுக்கீடுகள் கேட்டு கடிதம் எழுதி உள்ளோம்.', என்றனர்.

இந்நிலையில் 14 ஊராட்சிகள் உள்ள உத்தமபாளையம் ஒன்றியத்திற்கு 12 வீடுகள், கடமலைக்குண்டு ஊராட்சிக்கு மட்டும் 60 வீடுகள் ஒதுக்கீடு செய்யப்பட்டுள்ளது சர்ச்சையை ஏற்படுத்தி உள்ளது.