போடி ஒன்றியம், அணைக்கரைப்பட்டி ஊராட்சிக்கு உட்பட்டது சிறக்காடு மலைக் கிராமம்.

40 க்கும் மேற்பட்ட மலைவாழ் பழங்குடியின குடும்பங்கள் வசித்து வருகின்றனர்.

போடியில் இருந்து 10 கி.மீ., தூரத்தில் உள்ளது. ரோடு வசதி இருந்தும் பஸ் வசதி இல்லை.

இங்கு உள்ள 30 க்கும் மேற்பட்ட குழந்தைகள் போடியில் உள்ள பள்ளிக்கு ஆட்டோ மூலம் சென்று வருகின்றனர். ஆட்டோ பயணம் பாதுகாப்பு இல்லாத நிலை ஏற்படுகிறது. இதனால் சில மாணவர்கள் பள்ளிக்கு அனுப்ப பெற்றோர் தயக்கம் காட்டி வருகின்றனர்.

மாணவர்கள் பயன் பெறும் வகையில் பள்ளி நேரங்களில் இப் பகுதிக்கு மினி பஸ் விட மாவட்ட நிர்வாகம் நடவடிக்கை எடுக்க வேண்டும் என மலைக் கிராம மக்கள் வலியுறுத்தி உள்ளனர்.