நெல்லை மாவட்டம் சேரன்மகாதேவி சப் - கலெக்டரும், அம்பாசமுத்திரம் உதவி தேர்தல் அலுவலருமான அர்பித் ஜெயின், நேற்று காலை, மேள, தாளங்களுடன் கல்லிடைக்குறிச்சியில் உள்ள, 102 வயதான மூத்த வாக்காளர் கிருஷ்ணய்யர் வீட்டிற்கு சென்றார்.

அவருக்கு பொன்னாடை அணிவித்து, வெற்றிலை, பாக்கு, பழங்கள், தொப்பி மற்றும் தேர்தல் திருவிழா அழைப்பிதழை வழங்கி, குடும்பத்துடன் ஓட்டளிக்க வேண்டுகோள் விடுத்தார். கிருஷ்ணய்யர் ஓட்டளிப்பதாக உறுதி அளித்தார்.