தென்மாவட்ட கடற்கரை வழியே படகுகள் மூலம் இலங்கைக்கு அத்தியாவசிய பொருட்கள் கடத்தப்படுகின்றன. நேற்று அதிகாலை 3:00 மணியளவில் கூடங்குளம் கலங்கரை விளக்கம் பகுதி அருகே இன்ஸ்பெக்டர் சாந்தி தலைமையிலான தனிப்படை போலீசார் ரோந்து சென்றனர்.

அந்த வழியாக வந்த மினிலாரியை சோதனையிட்டபோது அதில் ரூ.20 லட்சம் மதிப்பிலான 3 டன் பீடி இலை பண்டல்கள் இருந்தன. டிரைவர் வள்ளியூர், தளபதி சமுத்திரத்தை சேர்ந்த இசக்கியப்பன் 25, என்பவரை கைது செய்தனர். இவர் ஊர்க்காவல் படையில் பணியாற்றி வந்தார். கடத்தலுக்கு பின்னணியில் உள்ளவர்கள் குறித்தும் போலீசார் விசாரிக்கின்றனர்.