துாத்துக்குடி மாவட்டம் ஆறுமுகநேரியை சேர்ந்த மாரியப்பன் மனைவி சந்தனமாரி 50. மகன் இசக்கிராஜா 28. இருவரும் நேற்று காலை திருநெல்வேலி மாவட்டம் கிருஷ்ணாபுரத்தில் சாமியாடி குறி சொல்லும் ஜோதிடரை சந்தித்து வீட்டின் பிரச்னைகளை கூறி தீர்வு கேட்டு, டூவீலரில் திரும்பிக்கொண்டிருந்தனர். 11:30 மணியளவில் திருநெல்வேலி - -திருச்செந்துார் ரோட்டில் கிருஷ்ணாபுரம் அடுத்த புவி ஈர்ப்பு மையம் அருகே சென்றபோது ரோட்டோரம் இருந்த மின் கம்பத்தில் டூவீலர் மோதியது. இதில் இருவரும் தலையில் பலத்த காயமடைந்து ரத்த வெள்ளத்தில் பலியாயினர். சிவந்திபட்டி இன்ஸ்பெக்டர் சுதா விசாரித்தனர்.