திருநெல்வேலிமாவட்டத்தில் நேற்று மதியம் 3:00 மணிக்கு பிறகு இடி மின்னலுடன் பலத்த மழை பெய்தது. வெள்ளங்குழி, கே.டி.சி.,நகர் உள்ளிட்ட இடங்களில் மரங்கள் வேரோடு சாய்ந்தன. தென்காசி மாவட்டம் சங்கரன்கோவில் அதன் சுற்றுப்புற பகுதிகளிலும் மாலை ஒரு மணி நேரத்திற்கும் மேலாக மழை பெய்தது. இதனால் சங்கரன்கோவிலில் தாழ்வான பகுதிகளான திருவேங்கடம் சாலை, தெற்கு ரதி வீதி உள்ளிட்டவற்றில் மழை நீர் வெள்ளம் போல் பெருக்கெடுத்து ஓடியது. அதனுடன் சாக்கடை நீரும் கலந்ததால் அப்பகுதிகளில் கடுமையான துர்நாற்றம் வீசியது.

சங்கரன்கோவில் சங்கரநாராயண சுவாமி கோயில் வளாகத்தில் மழை நீர் புகுந்தது. அதில் நின்ற படி பக்தர்கள் தரிசனம் செய்தனர். கோயில் நிர்வாகத்தினர் மழை நீரை வெளியேற்றும் பணியில் ஈடுபட்டனர். துாத்துக்குடியிலும் மழை கொட்டியது.