ஸ்தோத்திர பண்டிகையை முன்னிட்டு முதல்நாள் இரவு 7மணிக்கு செங்கோட்டை சேகரகுரு சாமுவேல் மதுரம் ஆயத்த ஆராதனை நடத்தி பண்டிகையை துவக்கி வைக்கின்றார். இரவு 8 மணிக்கு மாணவ, மாணவிகள் கலை நிகழ்ச்சி நடக்கிறது. 13ம் தேதி காலை 5 மணிக்கு மன்னாறயன்தட்டு சேகரகுரு செல்வமணி அருணோதய பிரார்த்தனை நடத்துகிறார். 9 மணிக்கு சுவிசேஷபுரம் சேகரகுரு டேனியல் பால்துரை பரிசுத்த ஞானஸ்நான ஆராதனை நடத்துகிறார். 10.30 மணிக்கு வாலிபர் சிறப்பு கூடுகையில் ஸ்டீபன் ராஜா செய்தி வழங்குகிறார். மதியம் 2 மணிக்கு நெல்லை திருமண்டல பேராயர் கிறிஸ்துதாஸ் ஸ்தோத்திரப்பண்டிகை ஆராதனை நடத்துகின்றார். 4 மணிக்கு பொருட்கள் ஏலம் நடக்கிறது. 4.30மணிக்கு பெண்கள் கூட்டத்தில் தேவர்குளம் சகோதரி ஸ்டெல்லா சாமுவேல் செய்தி வழங்குகிறார். இரவு 7மணிக்கு சிஎம்எஸ்., கலை நிகழ்ச்சிகளும், 9 மணிக்கு இட்டமொழிபுதூர் ஜேக்கப் பஜனை பிரசங்கமும் நடக்கிறது.

14ம் தேதி காலை 5 மணிக்கு சிவகிரி சேகரகுரு ஞானப்பிரகாசம் லித்தானியா ஆராதனை நடத்துகிறார். 9 மணிக்கு ராஜா கிறிஸ்டோபர் பரிசுத்த திருவிருந்து ஆராதனை நடத்துகிறார். 11.30 மணிக்கு திருமறைத்தேர்வு நடக்கிறது. மதியம் 2 மணிக்கு வருடாந்திர கூட்டம் நடக்கிறது. வாடியூர் பங்குத்தந்தை அந்தோணி சேவியர் சிறப்பு செய்தி வழங்குகிறார். மாலை 6 மணிக்கு கீத ஆராதனை நடக்கிறது. இரவு 8.30 மணிக்கு நாசரேத் எபன்சிங்கர்ஸ் ஸ்தோத்திர ஜெபம் நடத்துகிறார். ஏற்பாடுகளை கோவிலூற்று சேகரகுரு ஜான்கென்னடி ஆலோசனையின் பேரில் சபை மக்கள், சபை ஊழியர்கள், ஆசிரியர், ஆசிரியைகள் செய்துள்ளனர்.