மணவாளநகர் அடுத்த ஒண்டிக்குப்பத்தில், வி.வி., பவர் சொல்யூஷன் என்ற தனியார் நிறுவனம் செயல்பட்டு வருகிறது.

இதன் உரிமையாளர் பால் வசந்தகுமார், 58. மணவாளநகர் காவல் நிலையத்தில் அளித்துள்ள புகாரில் கூறியிருப்பதாவது:

எனது நிறுவனத்தில், சென்னை அம்பத்துாரைச் சேர்ந்த, கலியபெருமாள் மகன் பாலமுருகன் என்பவர், மேலாளராக பணிபுரிந்து வருகிறார். இவர், கடந்த, ஜூன் 8 க்கு முன், கம்பெனிக்கு ஜி.பேயில் வந்த, 2 லட்சம் ரூபாய் பணத்தை அவரது வங்கி கணக்கிற்கு மாற்றி, மோசடி செய்துள்ளார். அவர் மீது நடவடிக்கை எடுத்து, பணத்தை மீட்டுத் தரவேண்டும்.

இவ்வாறு அதில் கூறப்பட்டுள்ளது.

போலீசார் வழக்கு பதிந்து, விசாரணை நடத்தி வருகின்றனர்.