இந்நிலையில், வருவாய் துறையினரால் அனுமதியின்றி மணல் கடத்தல் மற்றும் சவுடு மண் கடத்தல் போன்ற வாகனங்களை பறிமுதல் செய்தும், அந்த மணல் மற்றும் மண் போலீசார் பறிமுதல் செய்த வாகனங்கள் மீது குவிக்கப்படுகின்றது.

தாசில்தார் அலுவலக வளாகத்தில், பறிமுதல் செய்த வாகனங்கள், மணல் மற்றும் மண் ஆகியவை உள்ளதால் தாசில்தார் அலுவலகத்திற்கு வரும் பயனாளிகளின் வாகனங்கள் நிறுத்துவதற்கும், ஓய்வு எடுப்பதற்கும் முடியாமல் சிரமப்படுகின்றனர்.

மேலும், மணல், மண்ணை ஏலம் விட்டால் அரசுக்கு கணிசமான வருவாய் கிடைக்கும். ஆனால் கடந்த ஒரு வருடமாக பறிமுதல் செய்த மணல் மற்றும் மண்ணை ஏலம் விடாமல் வருவாய் அதிகாரிகள் அலட்சியம் காட்டுகின்றனர். எனவே மாவட்ட நிர்வாகம் மணலை ஏலம் விட்டு, போலீசார் பறிமுதல் செய்த வாகனங்களை மீட்க வேண்டும் என சமூக ஆர்வலர்கள் எதிர்பார்கின்றனர்.

இது குறித்து திருத்தணி தாசில்தார் மலர்விழி கூறியதாவது:

தாசில்தார் அலுவலக வளாகத்தில் உள்ள மணல் மற்றும் சவுடு மண்னை, அளந்து, எவ்வளவு எடை என்பது குறித்து நிர்ணயித்து தருமாறு திருத்தணி பொதுப் பணித்துறையினருக்கு கடிதம் அனுப்பியுள்ளேன். அவர்கள் மணல் எத்தனை யூனிட் என அளவீடு செய்தால், மணல் மற்றும் மண்ணை ஏலம் விட்டு, அதற்கான தொகை மாவட்ட நிர்வாகத்திடம் ஒப்படைக்கப்படும்.

இவ்வாறு அவர் கூறினார்.