இப்பகுதி மக்களின் முக்கிய தொழில் விவசாயம், கால்நடை வளர்த்தல் மற்றும் கூலி வேலைக்கு செல்வது. இந்த ஊராட்சிக்கு உட்பட்ட பகுதியில் அரசு உயர்நிலைப் பள்ளி, ரேஷன் கடைகள் உள்ளிட்ட அரசு நிறுவனங்கள் உள்ளன.

ஊராட்சியில் உள்ள மக்கள் தொகைக்கு ஏற்ப, போதிய அடிப்படை வசதிகள் இல்லை. குறிப்பாக, சாலை, குடிநீர், சுகாதாரம் உள்ளிட்ட முக்கிய அடிப்படை வசதிகள் செய்ய முடியாத நிலை உள்ளது.

இந்நிலையில், மற்ற ஊராட்சியை ஒப்பிடும் போது, நலத்திட்ட உதவிகள் பெற முடியாத சூழல் ஏற்பட்டு உள்ளது.

எனவே, இந்த கிராம மக்களின் நலன் கருதி, வடமதுரை ஊராட்சியை மூன்றாக பிரிக்க நடவடிக்கை எடுக்க வேண்டும் என, அப்பகுதியினர் கோரிக்கை விடுத்துள்ளனர்.