வீரமங்கலத்தில் கழிவுநீர் கால்வாய்களும் முறையாக பராமரிக்கப்படாத நிலை நீடிக்கிறது. குறிப்பாக, கிராமத்தின் வடக்கு பகுதியில் கழிவுநீர் கால்வாய் துார்ந்து கிடக்கிறது. மழைநீரும், கழிவுநீரும் தெருவில் பாயும் நிலை உள்ளது.

இதனால் பகுதிவாசிகள் அதிருப்தியில் உள்ளனர். அதே போல், அரசு உயர்நிலைப் பள்ளியில் உள்ள மேல்நிலை குடிநீர் தொட்டியும் இடிந்து விழும் நிலையில் கிடக்கிறது. இந்நிலையில் குடிநீர் தொட்டியின் பராமரிப்பும் கேள்விக்குறி தான் என பகுதிவாசிகள் தெரிவிக்கின்றனர்.

பள்ளி வளாகத்தில் உள்ள குளத்தில் குப்பை கொட்டப்பட்டு வருகிறது. இதனால், நிலத்தடி நீரும் பாதிக்கப்படும் சூழல் உள்ளது.

ஆர்.கே.பேட்டை வட்டார சுகாதார அதிகாரிகள், கிராமத்தில் கழிவுநீர் தேங்கி நிற்காதபடி ஊராட்சி நிர்வாகத்துடன் இணைந்து துாய்மை பணிகளை மேற்கொள்ள வேண்டும் என எதிர்பார்க்கின்றனர்.