திருமலை --காங்., ஒன்றிய கவுன்சிலர் கூட்டங்களில் அரசு துறை அதிகாரிகள் கலந்து கொள்ளாததால், நாங்கள் கேட்கும் தகவல்கள் பெற முடியாத நிலை ஏற்பட்டு உள்ளது.

ராமகிருஷ்ணன் ஆணையர்:

அனைத்து அரசு துறை அதிகாரிகளுக்கும் தகவல் அனுப்பப்பட்டு உள்ளது.

திருமலை - காங்.,: வெங்கலில் இருந்து ஏனம்பாக்கம், கல்பட்டு, ஆவாஜிப்பேட்டை வழியே அரசு பேருந்து இயக்கவேண்டும்.

ராமகிருஷ்ணன் ஆணையர்:

சம்பந்தப்பட்ட துறைக்கு அனுப்பி நடவடிக்கை எடுக்கப்படும்.

சரவணன் -அ.தி.மு.க.,: ஒன்றியத்தில் உள்ள, 53 ஊராட்சிகளிலும் அரசால் தடை செய்யப்பட்ட குட்கா, புகையிலைப் பொருட்கள் மற்றும் கஞ்சா நடமாட்டம் சர்வ சாதாரணமாக புழக்கத்தில் உள்ளது. இதனால் மாணவர்கள், இளைஞர்கள் பாதிக்கின்றனர்.

ரமேஷ் -தலைவர் : இதுகுறித்து மாவட்ட கலெக்டர், எஸ்.பி., டி.எஸ்.பி., ஆகியோரிடம் புகார் கொடுத்து அவற்றை கட்டுப்படுத்த நடவடிக்கை எடுக்கப்படும்.

ரவி - கம்யூ.,:

மக்களுடன் முதல்வர்' திட்டத்தில் பொதுமக்களிடம் இருந்து பெறப்பட்ட மனுக்கள் மீது என்ன நடவடிக்கை எடுக்கப்பட்டு உள்ளது.

ராமகிருஷ்ணன் ஆணையர்:

இதுகுறித்து தகவல் வழங்கப்படும்.

ரவி கம்யூ.,: தானாகுளம் -அன்னதானகாக்கவாக்கம் இடையே சாலை விரிவாக்கம் செய்ய வேண்டும்.

ரமேஷ் தலைவர் : இதுகுறித்து சம்பந்தப்பட்ட துறைக்கு தகவல் கொடுத்து நடவடிக்கை எடுக்கப்படும்.

இவ்வாறு விவாதம் நடந்தது.