ஒட்டுமொத்த பழவேற்காடு ஏரியும், பறவைகள் சரணாலயமாக திகழ்வதால், அந்தந்த பகுதிக்கு என, தனி பெயர் கொண்டு அழைக்காமல், 'பழவேற்காடு சரணாலயம்' என, பொதுவாக அழைக்கப்படுகிறது.

ஆந்திர மாநிலம், சூளூர்பேட்டையில் இருந்து ஸ்ரீஹரிகோட்டா நோக்கி செல்லும் சாலையின் இரு புறமும், பழவேற்காடு ஏரியின் சதுப்பு நில பகுதிகள் உள்ளன. அங்கு இரை தேடும் பறவைகளை காண எப்போதும் சுற்றுலா பயணியர் வருவது வழக்கம்.

தற்போது சாலையோரம் கண்ணுக்கு எட்டிய தொலைவில், நுாற்றுக்கணக்கான பிளமிங்கோ பறவைகள் கூட்டமாக இரை தேடி வருகின்றன.

பைனாகுலர் உதவியுடன், பிளமிங்கோ பறவைகள் இரை தேடும் அழகை கண்டு, சுற்றுலா பயணியர் ரசித்து வருகின்றனர்.