இந்த பேருந்து நிலையத்தை பயன்படுத்தி, பேரம்பாக்கம் மற்றும் அதை சுற்றியுள்ள நரசிங்கபுரம், கூவம் இருளஞ்சேரி, காவாங்கொளத்துார், சிற்றம்பாக்கம், கிளாம்பாக்கம், சத்தரை என, 25க்கும் மேற்பட்ட கிராம மக்கள் சென்னை, திருவள்ளூர், அரக்கோணம் உள்ளிட்ட பகுதிகளுக்கு சென்று வருகின்றனர்.

இங்குள்ள தபால் நிலையம், அரசு மருத்துவமனை, வேளாண்மை விற்பனை நிலையம், தீயணைப்பு நிலையம், சார் - பதிவாளர் அலுவலகம் உள்ளிட்ட, 10க்கும் மேற்பட்ட அரசு மற்றும் தனியார் அலுவலகங்களுக்கு வரும் பயனாளிகள் மற்றும் அலுவலர்களும் பயன்படுத்தி வருகின்றனர்.

இந்த பேருந்து நிலையம் திறப்பு விழா நடந்து 15 ஆண்டுகளாகியும், இதுவரை எவ்வித பராமரிப்பு பணிகளும் மேற்கொள்ளவில்லை என, பகுதிவாசிகள் குற்றம் சாட்டுகின்றனர்.

மேலும், இங்குள்ள பேருந்து நிலையத்தில் போதுமான இருக்கை மற்றும் குடிநீர் வசதி போன்ற அடிப்படை வசதிகள் எதுவும் இல்லாததால், பயணியர் கடும் அவதிப்பட்டு வருகின்றனர்.

மேலும், 'குடி'மகன்களின் கூடாரமாக மாறி, குப்பை சேகரமாகி பரிதாபமான நிலையில் உள்ளது, பயணியரிடையே அதிர்ச்சியை ஏற்படுத்தியுள்ளது.

எனவே, சம்பந்தப்பட்ட அதிகாரிகள் பேருந்து நிலையத்தை ஆய்வு செய்து, அடிப்படை வசதிகள் செய்து தரவும், சாலையை சீரமைக்கவும் நடவடிக்கை எடுக்க வேண்டும் என, பயணியர் கோரிக்கை விடுத்து உள்ளனர்.