பொதட்டூருக்கு செல்ல இந்த வழி குறுக்கு பாதையாக அமைந்துள்ளது. இந்த வழியை தவிர்த்து பள்ளிப்பட்டு கூட்டு சாலை வழியாக பயணித்தால், 5 கி.மீ., துாரம் சுற்றுப்பாதையாக அமையும்.

முக்கியத்துவம் வாய்ந்த இந்த சாலையில் புதர் மண்டிக்கிடப்பதால், வாகன ஓட்டிகள் அவதிப்பட்டு வருகின்றனர்.

ஆறு அடி உயரம் வரை செடி, கொடிகள் வளர்ந்துள்ளன. இதனால், எதிரில் வரும் வாகனங்களை கவனிக்க முடியவில்லை.

ஏரி, குளங்கள், வயல்வெளிக்கு இடையே இந்த சாலை அமைந்துள்ளதால் ஏராளமான சாலை வளைவுகள் உள்ளன. இந்நிலையில் புதரும் சீரமைக்கப்படாமல் கிடப்பதால், விபத்து அபாயம் நிலவுகிறது. சாலையோர புதர்களை அகற்ற வேண்டும் என பகுதிவாசிகள் கோரிக்கை விடுத்துஉள்ளனர்.