நெடுஞ்சாலையில் அமைந்துள்ள இந்த ஊராட்சிக்குட்பட்ட பராசங்குபுரம் பகுதியில், நெடுஞ்சாலையோரம் சேகரமாகும் குப்பையை துப்புரவு பணியாளர்கள் எரித்து வருகின்றனர்.

இதனால் ஏற்படும் புகையால், வாகன ஓட்டிகள் கடும் சிரமப்பட்டு வருகின்றனர். குறிப்பாக, இருசக்கர வாகனங்களில் செல்வோர் கடும் அவதிப்பட்டு வருவதோடு, சில நேரங்களில் விபத்தில் சிக்கும் நிலை ஏற்படுகிறது.

எனவே, சம்பந்தப்பட்ட துறை அதிகாரிகள் நெடுஞ்சாலையோரம் குப்பை கழிவுகள் எரிக்கப்படுவதை தடுக்க நடவடிக்கை எடுக்க வேண்டும் என, வாகன ஒட்டிகள் கோரிக்கை விடுத்துள்ளனர்.