இரவில் நடக்கும் மின்னொளி ஆட்டமான இப்போட்டியில், லயோலா, இந்தியன் வங்கி, வருமான வரித்துறை, எஸ்.டி.ஏ.டி., உட்பட ஆண்களில் 38 அணிகள், பெண்களில் 16 அணிகள் பங்கேற்றுள்ளன.

ஆண்களுக்கான போட்டிகள் நாக் மற்றும் லீக்; பெண்களுக்கான போட்டியில் நாக் அவுட் முறையில் நடக்கின்றன. இருபாலரிலும் முதல் நான்கு இடங்களை பிடிக்கும் அணிகளுக்கு பரிசுகள் வழங்கப்படும்.

நேற்று நடந்த ஆட்டத்தில், ஜவஹர் நகர் பி.சி., அணி, 83 - 79 என்ற கணக்கில் விக்னேஷ்வரா பி.சி., அணியையும், சென்னை பி.சி., அணி, 62 - 46 என்ற கணக்கில் எக்மோர் புல்ஸ் அணியையும் வீழ்த்தின.

பெண்களுக்கான போட்டியில் அரைஸ் அகடாமி அணி, 44 - 40 என்ற கணக்கில் ஒசைன் பி.சி., அணியை வீழ்த்தியது. போட்டிகள் தொடர்ந்து, 22ம் தேதி வரை நடக்கின்றன.