சென்னை புறநகர் பகுதிகளில், தினமும் 450க்கும் மேற்பட்ட மின்சார ரயில்கள் இயக்கப்பட்டு வருகின்றன.

இருப்பினும், ஞாயிறு மற்றும் பண்டிகைகளையொட்டி வரும் தேசிய விடுமுறை விடுமுறை நாட்களில் வழக்கமாக 40 சதவீத ரயில்கள் குறைத்து இயக்கப்படும்.

அந்த வகையில், ரம்ஜான் பண்டிகையான வரும் 11ம் தேதி தேசிய விடுமுறை என்பதால், சென்னை கடற்கரை - செங்கல்பட்டு, சென்ட்ரல் - அரக்கோணம், சூலுார்பேட்டை, வேளச்சேரி என அனைத்து மின்சார ரயில் தடத்திலும், ஞாயிறு கால அட்டவணைப்படி மின்சார ரயில்கள் இயக்கப்படும்.

இதேபோல், ரயில் டிக்கெட் முன்பதிவு மையங்கள் அனைத்தும் வரும் 11ம் தேதி ஒரு ஷிப்ட் மட்டுமே இயக்கும்.

அதாவது, காலை 8:00 மணி முதல் மதியம் 2:00 மணி வரை மட்டுமே இயக்கும் என, சென்னை ரயில்வே கோட்டம் நேற்று தெரிவித்துள்ளது.