திருவள்ளூர் மாவட்ட தோட்டக்கலை துறை துணை இயக்குநர் - பொறுப்பு - கோமதி விடுத்துள்ள செய்திக்குறிப்பு:

திருவள்ளூர் மாவட்டத்தில் மேலப்புடி, அம்மனேரி, இலுப்பூர், கச்சூர், கொப்பூர் உட்பட 14 ஒன்றியங்களிலும், ஊட்டச்சத்து வேளாண் இயக்கம் துவக்கி வைக்கப்பட்டுள்ளது.

கொய்யா, பப்பாளி, எலுமிச்சை ஆகிய பழச்செடி தொகுப்பு - 100 ரூபாய், தக்காளி, கீரை, வெண்டை, கொத்தவரை, கத்திரி, மிளகாய் ஆகிய விதை தொகுப்பு - 60 ரூபாய் என, 160 ரூபாய் மதிப்புள்ள தொகுப்பு, 100 சதவீத மானியத்தில் வழங்கப்படுகிறது.

தேவைப்படுவோர் சம்பந்தப்பட்ட வட்டார தோட்டக்கலை உதவி இயக்குநர் அலுவலகத்தை நேரில் அணுகி பயன்பெறலாம்.

இவ்வாறு அதில் கூறப்பட்டுள்ளது.