/
உள்ளூர் செய்திகள்
/
திருவள்ளூர்
/
திருவள்ளூர் மாவட்ட தடகளம் 200 வீராங்கனையர் பங்கேற்பு
/
திருவள்ளூர் மாவட்ட தடகளம் 200 வீராங்கனையர் பங்கேற்பு
திருவள்ளூர் மாவட்ட தடகளம் 200 வீராங்கனையர் பங்கேற்பு
திருவள்ளூர் மாவட்ட தடகளம் 200 வீராங்கனையர் பங்கேற்பு
ADDED : நவ 30, 2025 12:23 AM

சென்னை: திருவள்ளூர் மாவட்டத்தில் நடந்த மாவட்ட மகளிர் தடகள போட்டியில், 200க்கும் அதிகமான வீராங்கனையர் பங்கேற்றனர்.
இந்திய தடகள சங்கம், இந்திய விளையாட்டு மேம்பாட்டு ஆணையம் இணைந்து, மத்திய அரசின் ஆதரவுடன், நாட்டின் ஒவ்வொரு மாவட்டத்திலும் உள்ள 14, 16 வயதுக்கு உட்பட்ட வீராங்கனையருக்கு, 'அஸ்மிதா லீக்' எனப்படும் பல்வேறு விளையாட்டு போட்டிகள் நாடு முழுதும் நடந்து வருகின்றன.
அந்த வகையில், தமிழக தடகள சங்கம் மற்றும் திருவள்ளூர் மாவட்ட தடகள சங்கம் சார்பில், திருவள்ளூர் மாவட்ட தடகள சாம்பியன்ஷிப் போட்டி, திருவள்ளூர் எஸ்.டி.ஏ.டி., தடகள திடலில், நேற்று முன்தினம் நடந்தது.
இதில், திருவள்ளூர் மாவட்டத்தின், 14 மற்றும் 16 வயதுக்கு உட்பட்ட, 200க்கும் மேற்பட்ட வீராங்கனையர் பங்கேற்றனர்.
இதில், ஓட்டப்பந்தயம், நீளம் தாண்டுதல், உயரம் தாண்டுதல், குண்டு எறிதல் உட்பட, பல்வேறு போட்டிகள் இடம் பெற்றிருந்தன.
இவற்றில் முதல் மூன்று இடங்களை பிடித்த வீராங்கனையர், இந்திய விளையாட்டு மேம்பாட்டு ஆணையத்தால் தேர்ந்தெடுக்கப்பட்டு, ஒலிம்பிக் மற்றும் சர்வதேச போட்டிக்காக பயிற்சிக்கு அனுப்பப்படுவர். இதற்கான முழு செலவையும் மத்திய அரசு ஏற்கும்.
16 வயது பிரிவில் முதல் மூன்று இடங்கள் பிடித்தோர்
வரிசை எண் போட்டி வீராங்கனையர்
1 60 மீட்டர் ஓட்டம் அபிதால் ஜாஸ்மின், யுவிஷா, கங்கா மித்ரா
2 600 மீட்டர் ஓட்டம் ஓவியா, விஷாலி சாரல், மானஸ் வினி
3 நீளம் தாண்டுதல் ஜீனா, டொமிகா, ஹரிணி
4 குண்டு எறிதல் தீக்ஷா, ஜெனிபர், ஜெனிட்டா யேல்
5 வட்டு எறிதல் அபினியா, திவ்யா, ஜோஷிதா
6 உயரம் தாண்டுதல் சனா ஸ்ரீ, சாத்விகா, பிரார்த்தனா
7 ஈட்டி எறிதல் காவியா, நித்யா ஸ்ரீ, தன்யாஸ்ரீ
14 வயது பிரிவில் முதல் மூன்று இடங்களை பிடித்தோர்
வரிசை எண் போட்டி வீராங்கனையர்
1 டிரையத்தலான் - ஏ பிரிஷிதிகா, ஜனத் பிரின்சி
2 டிரையத்தலான் - பி அக் ஷயாஸ்ரீ, பெனிசியா, லிண்டியா
3 டிரையத்தலான் - சி காவினி, கௌஷிகி, தர்ஷினி
4 ஈட்டி எறிதல் ஸ்பர்ஷிகா, யோகஸ்ரீ, ரவுலிங்

