ஸ்ரீஹரிகோட்டாவில் ராக்கெட் ஏவும்போது, மீனவர்களின் மீன்பிடி தொழில் பாதிப்பதால், உரிய நிவாரணம் வழங்க வேண்டும்; வனத்துறையின் கெடுபிடிகளால், எந்தவொரு கட்டமைப்பு பணிகளும் மேற்கொள்ள முடியவில்லை. அதற்கு தீர்வு காண வேண்டும்.

பழவேற்காடு பகுதியில் டாஸ்மாக் கடை அமைக்க வேண்டும் உள்ளிட்ட கோரிக்கைகளை வலியுறுத்தி, நாளை உண்ணாவிரத போராட்டம் நடத்த போவதாக, பழவேற்காடு மீனவர்கள் அறிவித்திருந்தனர்.

கடந்த 26ல், மீனவ கிராம நிர்வாகிகளிடம் அரசு அதிகாரிகள் பேச்சு நடத்தினர். மீனவர்கள் பேச்சுவார்த்தையில் முடிவு எட்டப்படாத நிலையில் தோல்வியில் முடிந்தது. 'திட்டமிட்டப்படி போராட்டம் நடத்துவோம்' என, மீனவர்கள் தெரிவித்தனர்.

இந்நிலையில், நேற்று பொன்னேரி சப் - கலெக்டர் ரவிக்குமார் தலைமையில் மீண்டும் மீனவ கிராம நிர்வாகிகளிடம் பேச்சுவார்த்தை நடந்தது.

மீனவர்களின் கோரிக்கைகள் குறித்து படிப்படியாக நடவடிக்கை எடுக்கப்படும் என அதிகாரிகள் உறுதியளித்தனர். இதையடுத்து, உண்ணாவிரத போராட்டத்தை கைவிடுவதாக மீனவர்கள் தெரிவித்தனர்.