எனவே, இருசக்கர வாகனங்களில் செல்வோர் கட்டாயம் 'ஹெல்மெட்' அணிய வேண்டும் என, அரசு சார்பில் விழிப்புணர்வு ஏற்படுத்தப்படுகிறது. ஆனால், சில வாகன ஓட்டிகள் 'ஹெல்மெட்' அணியாமல் செல்கின்றனர்.

ஊத்துக்கோட்டை உட்கோட்டத்தில் ஊத்துக்கோட்டை, பெரியபாளையம், வெங்கல், பென்னலுார்பேட்டை, ஆரணி ஆகிய ஐந்து காவல் நிலையங்களில், கடந்த 1ம் தேதி முதல் நேற்று முன்தினம் வரை ஹெல்மெட் அணியாமல் செல்லும் வாகன ஓட்டிகளின் எண்ணிக்கை அதிகரித்துள்ளது.

ஊத்துக்கோட்டையில் - 550, பெரியபாளையம் - 515, வெங்கல் - 575, பென்னலுார்பேட்டை - 260, ஆரணி - 430 என, மொத்தம் 2,330 வழக்குகள் பதியப்பட்டு உள்ளன.

இதுகுறித்து காவல் துறை உயரதிகாரி கூறுகையில், 'ஹெல்மெட் அணிந்து பயணம் செய்வது பாதுகாப்பானது. இதை வலியுறுத்தி விழிப்புணர்வு நிகழ்வுகளும் நடத்தப்பட்டு வருகிறது. இதை, வாகன ஓட்டிகள் பின்பற்ற வேண்டும்' என்றார்.