எல்லாபுரம், பூண்டி ஒன்றியங்களில், 52 ஏரிகள் உள்ளன. சில தினங்களாக பெய்து வரும் மழையால் மேற்கண்ட ஏரிகளுக்கு நீர்வரத்து ஏற்பட்டு உள்ளது. வடகிழக்கு பருவமழை தொடங்கி மழை பெய்யும் நிலையில், நீர்வரத்து அதிகரித்து ஏரிகள் நிரம்பும் நிலை ஏற்படும். அதிகளவு நீர் வந்தால் ஏரிகளில் பலமில்லாத இடங்களில் உடைப்பு ஏற்பட்டு தண்ணீர் வெளியேறும் அபாயம் ஏற்படும்.

இதுபோன்ற சமயங்களில் மணல் மூட்டை வைத்து அடைக்கும் பணியை நீர்வள ஆதார துறை அதிகாரிகள் மேற்கொள்வர். முன் எச்சரிக்கை நடவடிக்கையாக, ஊத்துக்கோட்டை நீர்வள ஆதார துறை அலுவலக வளாகத்தில், 2,500 மணல் மூட்டைகள் தயார் நிலையில் வைக்கப்பட்டு உள்ளன.