கடந்த, 10 ஆண்டுக்கும் மேலாக இந்த பூங்காவினை நகராட்சி நிர்வாகம், தனியாக பராமரிப்பாளரை நியமித்து, பராமரித்து வருகிறது. இந்நிலையில் பூங்காவிற்கு வரும் நடைபயிற்சியாளர் மற்றும் பொதுமக்களுக்காக, இங்கு, ஒராண்டிற்கு முன் கழிப்பறை கட்டப்பட்டது.

தொகுதி எம்.எல்.ஏ., நிதியில் இருந்து கட்டப்பட்ட இந்த கழிப்பறை இதுவரை மக்கள் பயன்பாட்டிற்கு வராமல், பூட்டியே கிடக்கிறது. இதனால், பூங்காவிற்கு வரும் வயதானோர், சிறுவர் மற்றும் பெண்கள் அவதிக்கு உள்ளாகி வருகின்றனர்.

எனவே, பூங்காவில் கட்டப்பட்ட கழிப்பறையை திறந்து, முறையாக பராமரிக்க, நகராட்சி நிர்வாகத்திற்கு பகுதிவாசிகள் வேண்டுகோள் விடுத்துள்ளனர்.