இதனால் மக்கள் வீட்டிலிருந்து வெளியே வராமல் முடங்கி கிடக்கின்றனர். மேலும் அனல் காற்று வீசுவதால் குழந்தைகள் மற்றும் முதியவர்கள் நிம்மதியாக துாங்க முடியாமல் கடும் சிரமப்படுகின்றனர்.

திருத்தணி அரசு மருத்துவமனையின் தலைமை மருத்துவர் ரவி கூறியதாவது:

தற்போது கோடை வெயில் கொளுத்துகிறது. இதனால் மக்கள் அதிகளவில் தண்ணீர் குடிக்க வேண்டும். மேலும், பழச்சாறு பருகவேண்டும். எலுமிச்சை பழச்சாறு அதிகளவில் பருகினால் உடலுக்கு எதிர்ப்பு சக்தி தருவதுடன், உடலின் வெப்பத்தையும் குறைக்கும்.

இன்னும் ஒன்றரை மாதத்திற்கு மதியம், 12:00 மணி முதல் மாலை, 4:30 மணி வரை மக்கள் வீட்டில் இருந்து வெளியே செல்வதை முற்றிலும் தவிர்க்க வேண்டும். அடிக்கடி தண்ணீர் குடிக்க வேண்டும். காய்ச்சல் வந்தால் அருகில் உள்ள ஆரம்ப சுகாதார நிலையம் அல்லது அரசு மருத்துவமனைக்கு சென்று மருந்துவரிடம் ஆலோசனை பெற வேண்டும்.

இவ்வாறு அவர் கூறினார்.